وَحشتينى
وٍجـِـيت مشتاق وُحشتينى
لا جَاى طيّار ولا فَارس
ولا حتّى ملاك حَارس
أنا جايلك مَطر بٍينَادى لِرحابك
يا إمّا أفضل على سحابك يا تِشتينى
وَحشتينى
وحيّرنى البعاد والقرب وأثـّر فيّا عطف الغٌرب
وخلاّنى ألومك بس فى البروَاز
واخاصمك بس بينا إزاز
وتلمس ايدى ضهر الصوره
تلمس شعرك المتغطى بالطرحة
يموت انا قلبى م الفرحة
ورغم ان الحنين جارف
يوقفنى العتاب فى عنيكى
انزل ايدى عن شعرك واقول اسف
وقلبى يقول كلام من شوقه لعنيكى ..
يـِكَفـّــيكى ؟؟
ما يكفينى
واقولك ايه بس وانتى وحشتى بضحكتك كلمه وحشتينى
وحشتينى وحبك جوّا قلبى يزيد وعمره ما قـَل
وليه قلبك وطن تايه وبيعانى د انا المحتل
تعالى اتسرسبى فى دمى
وقلبى النونو جاى بجنونه
شِيلى وكَبّرى وسَمّى
ولو مره تخلّينى احسّك زى وَردايه
عبيرها عدّى سور القصرغنّى وفاح
هركب لك فى قلبى سرير وهعملك ضُلوعى الواح
ولو ظنك عشان بعدى فما تظنيش
يا عصفوره بزقزقتك فتحتى فى قلبى شباكه
ومن بعدك قفلت الشيش
مفيش غيرك ومرضاش انى اشوف غيرك
بحبك حتى وانتى بعيده مش داريه
بحبك وانتى جنبى ودمعتك جاريه
بحبك حتى
لو تشكينى
لو تنسينى
احبك حتى لو بايعانى مش شاريه
يا أغلى فى السفر م الزّاد
بموت لو مره حبك قلّ واموت لو زاد
يا تاعبه القلب م الترحال
بلاش يبقى الكلام دايما
سؤال ع الصحه والأحوال
أنا كويس
ما دُمتى معايا انا كويس
ومَرْكب قلبى ماشيه بخير
ما دُمتى المِينه والرَيّس
يا روح قلبى
يا ريت ترضى ان مركب قلبى يلمس شط
وقلبى مهما شاف منك
ومهما اتشال ومهما اتحط
هيرجع تانى يندهلك
د انا وطنك وانا اهلك
لا جاى طيّار ولا فارس
ولا حتى ملاك حارس
انا جايلك مطر بينادى لرحابك
ياما افضل على سحابك ياما افضل على سحابك
بلاش يا عمرى تشتينى
بلاش يا عمرى تشتينى
وٍجـِـيت مشتاق وُحشتينى
لا جَاى طيّار ولا فَارس
ولا حتّى ملاك حَارس
أنا جايلك مَطر بٍينَادى لِرحابك
يا إمّا أفضل على سحابك يا تِشتينى
وَحشتينى
وحيّرنى البعاد والقرب وأثـّر فيّا عطف الغٌرب
وخلاّنى ألومك بس فى البروَاز
واخاصمك بس بينا إزاز
وتلمس ايدى ضهر الصوره
تلمس شعرك المتغطى بالطرحة
يموت انا قلبى م الفرحة
ورغم ان الحنين جارف
يوقفنى العتاب فى عنيكى
انزل ايدى عن شعرك واقول اسف
وقلبى يقول كلام من شوقه لعنيكى ..
يـِكَفـّــيكى ؟؟
ما يكفينى
واقولك ايه بس وانتى وحشتى بضحكتك كلمه وحشتينى
وحشتينى وحبك جوّا قلبى يزيد وعمره ما قـَل
وليه قلبك وطن تايه وبيعانى د انا المحتل
تعالى اتسرسبى فى دمى
وقلبى النونو جاى بجنونه
شِيلى وكَبّرى وسَمّى
ولو مره تخلّينى احسّك زى وَردايه
عبيرها عدّى سور القصرغنّى وفاح
هركب لك فى قلبى سرير وهعملك ضُلوعى الواح
ولو ظنك عشان بعدى فما تظنيش
يا عصفوره بزقزقتك فتحتى فى قلبى شباكه
ومن بعدك قفلت الشيش
مفيش غيرك ومرضاش انى اشوف غيرك
بحبك حتى وانتى بعيده مش داريه
بحبك وانتى جنبى ودمعتك جاريه
بحبك حتى
لو تشكينى
لو تنسينى
احبك حتى لو بايعانى مش شاريه
يا أغلى فى السفر م الزّاد
بموت لو مره حبك قلّ واموت لو زاد
يا تاعبه القلب م الترحال
بلاش يبقى الكلام دايما
سؤال ع الصحه والأحوال
أنا كويس
ما دُمتى معايا انا كويس
ومَرْكب قلبى ماشيه بخير
ما دُمتى المِينه والرَيّس
يا روح قلبى
يا ريت ترضى ان مركب قلبى يلمس شط
وقلبى مهما شاف منك
ومهما اتشال ومهما اتحط
هيرجع تانى يندهلك
د انا وطنك وانا اهلك
لا جاى طيّار ولا فارس
ولا حتى ملاك حارس
انا جايلك مطر بينادى لرحابك
ياما افضل على سحابك ياما افضل على سحابك
بلاش يا عمرى تشتينى
بلاش يا عمرى تشتينى
كيف تصنع ثلج فى ثوانى ؟؟؟ 
كيف تضع بيضه فى زجاجه ؟؟؟ 
ليست هناك تعليقات:
إرسال تعليق