الإبتسامة أجمل هدية

عندما تستيقظ من النوم ابتسم واشكر الله على نعمة البقاء ‏...
فلديك يوم في رصيد حياتك لتقضيه في طاعة الرحمن..

عندما ترى والديك أمامك ابتسم...
فهناك الكثير الذين انحرموا من نعمة الوالدين ‏..

عندما تتوجه إلى العمل..
ابتسم فالبعض لا يعمل

عندما تتذكر بعض الضغوطات التي مررت بها ...
ابتسم لأنها مضت ولن تحدث مجددا إن شاء الرحمن ..

عندما تمر بموقف صعب ..
ابتسم لأنك تملك رباً عظيما تستطيع اللجوء إليه في أي وقت ...
(( ألا بذكر الله تطمئن القلوب ))

عندما تفشل في تجربة معينة ..
ابتسم فقد يكفيك شرف المحاولة
عندما يجرحك شخص عزيزا عليك ..
ابتسم فهناك العديد من الأشخاص من يحاول يداوي جروحك ..

عندما يظلمك من حولك ..
ابتسم لأنك لم تظلم أحدا يوما


عندما تعرف إن فلانا من الناس لا يحبك ..
ابتسم فهناك العديد من الأشخاص الذين يحبونك ويتمنون لك السعادة ..


وتذكر

أنت من تملك حياتك وأنت من تعيشها فبإرادتك أن تجعلها جنة صغيرة سعيدة
وبإرادتك أن تجعها سوداء مليئة بالأحزان .. فلك الخيار لتختار
وابتسم لأنك تملك الخيار الصحيح

يوميّات أسرة مصرية جداً ج 6 الى 10

يوميّات أسرة مصرية جداً
الحلقة السادسة: داخلة على التلاتين

---

قالت سلمى
:
ما نمتش لحظة واحدة طوال الليل من شدة القلق
عريس؟! على طول كده؟ ده احنا ما قعدناش في الفرح ساعتين؟ والبنات كانوا عاملين عمايل في نفسهم رهيبة.. ليّا أنا؟
مش عارفة ليه مش مطمئنة للحدوتة دي
ذكرياتي مع العرسان كلها نكد.. ايّ واحد طهقان من عيشته او عاوز ينكد على بنات الناس كان بيجيلي!! وخصوصا ان طلباتي متواضعة جدا وكمان أهلي مش ماديين ويهمهم انهم يفرحوا بيّا مع عريس طيب ويتقي الله في بنتهم.. لكن ما شاء الله كل اللي اتقدمولي فيهم عيوب قاتلة.. اللي ماعمره ما صلّى الا في المناسبات والاعياد الرسمية!! واللي عاوز يتجوز على مراته بدون اي أسباب!! واللي شخصيته بشعة وغاية في التسلط عاوزني اقطع علاقتي بكل الكون بما فيهم أهلي لو أمكن.. وممنوع الزيارات والاجتماعيات بكل انواعها.. يعني جواز مع الشغل والنفاذ
يعني بصراحة حاجة تخلّي اي واحدة في الدنيا تكره كلمة عريس وما يتبعها من الفرجة والزيارات المحبطة التي تنتهي دائما بكسرة قلب.. هو قلبي طبعا
*******
سمعت صوت ماما يناديني: يالاّ بقى ياسلمى قومي من السرير.. احنا ورانا حاجات كتير ح نعملها ياعروسة
رددت على ماما باحباط: عروسة؟ بذمتك ما زهقتيش من الحدوتة دي ياماما؟ خلاص بقى كبّري دماغك
دقت على صدرها: اكبّر دماغي؟ ليه هو انتي وحشة ولا انا نشرت لك اعلان اريد زوجا؟ ماهي ام العريس هي اللي شافتك في الحنة وطلبت انها تيجي هيّ وابنها علشان يقابلونا.. أنا مالي بقي؟ نقول للنصيب لأ؟
جاوبتها بمكر: بذمتك يا جميل انتي ما حطيتيش شوية البهارات بتوع الامهات؟.. زي: دي بنتي دي زي النسمة تتحط على الجرح يورم.. دي ست بيت لهلوبة تنضف ولا الفليت.. ده كان كلينتون شخصيا طالب ايدها واحنا اللي ما وافقناش.. صح ولا لأ؟
احمر وجه ماما وارتبكت كالأطفال ولم تجد مخرج الا من استخدام سلطاتها كأم بالشخط فيّا: ياسلام عليكي يارايقة.. يالاّ عاوزين ننضف البيت قبل الناس ما ييجوا ولاّ الفلبينية بتاعتنا هي اللي ح تنضف البيت؟

*******

مش عارفة ليه كل واحدة بيجيلها عريس بيحصل تار بينهم وبين فرش البيت؟ هاتك ياخبط ورزع وتنفيض ومسح وتتحول العروس المنتظرة الى زوبة الشغالة!! كأن العريس ح يبص تحت السجاد يشوف الارض ممسوحة ولا لأ؟ ما كفاية التنظيف اليومي العادي وخلاص؟
حيلي اتهد خلاص انا وماما في مسح وتنظيف الشقة.. وبعد أن أخييييرا انتهينا وظهرت عليّ بوادر الكساح المبكر.. بدأت ماما في القاء الاوامر يمين وشمال الى كل من في البيت
خالد.. روح هات الجاتوه والحاجة الساقعة بسرعة.. خلينا نستفيد منك مرة واحدة لله
ملك هانم.. روحي لطنط ليلى اللي فوقينا وقوليلها ماما بتسلم عليكي وبتقولّك عاوزين طقم الكاسات المدهب.. واوعي تكسريه لأرميكي من البلكونة
وانت ياابو خالد.. روح هات لنا فاكهة من عند الفكهاني اللي على الناصية أحسن ابنك بيقف زي البيه ويجيب كل الفاكهة مضروبة.. مش عاوزين نتكسف قدام الناس
وانتي ياسلمى قاعدة كده ليه؟ قومي شوفي حتلبسي ايه؟ وبلاش طقم الميّتين البني اللي انتي بتحبيه.. اصل ام العريس أروبة اوي
واندفع كل واحد من أفراد الكتيبة لأداء المهمة الموكلة اليه من الجنرال مانجر الست ماما.. الا انا.. كان جسمي مهدود من علقة التنظيف وكنت متأكدة اني اول ما ح ادخل اوضتي ماما ح تندهني لأي سبب من الأسباب
وفعلا..
ما تنسيش ياسلمى تطلعي مفرش السفرة اللبني اللي في الرف اللي فوق في الدولاب وتفرشيه.. واغسلي الورد احسن يقولوا جايبينه من القرافة!! وطلعي طقم الشاي الصيني بتاع الضيوف واغسليه و
قلتلها: الاّ صحيح ياماما هم العرسان ما بيشربوش الشاي في الكوبايات ليه زي بقية مخاليق ربنا؟ لازم في الفناجين؟ ده انا بيتهيألي انهم بيعملوا الفناجين مخصوص في الاطقم الصيني علشان العرسان
ردت بضيق: انا مش باخد منكم كلكم الا وجع القلب.. يالاّ يابنتي ورانا مية حاجة قبل ما الناس ييجوا!! علشان خاطري يا سلمى لو لقينا العريس كويس نتكل على الله على طول
رددت بقلق وتعب: ياماما ما تقلقيش انا كمان تعبت من حدوتة العرسان الخايبة دي.. كل واحد ييجي يتفرج عليّا شوية ويسيبني.. وياريت في حد فيهم كويس كنت اتجوزت وخلصت.. لكن على يدّك كلهم بسم الله ما شاء الله ينفعوا يروحوا الاصلاحية.. والناس بتتهمني اني انا اللي بارفض العرسان لحد ما كبرت.. طيب لو كان واحد فيهم بس فيه عشرة في المية من احلامي كنت اتجوزته علشان اخلص من كلام الناس والسنتهم اللي عاوزة قطعها.. ده انا حتى بطلت احلم ولا احط مواصفات للانسان اللي ح اتجوزه.. خلاص مابقاش من حقي وانا داخلة على التلاتين.. دي البنات زي الرز وأصغر وأجمل مني.. انا بقي اللي حاقعد واتشرط؟ على ايه يعني.. لا انا ملكة جمال ولا ابويا وزير ولا عندنا عزبة ولا عمارة.. ما تقلقيش ياماما اللي زيي مش من حقها تدلع ولا تتشرط.. حتى الحق ده ضاع مني خلاص
واحتضنتني امي عندما اجهشتُ بالبكاء وبكت هي الاخرى
عوّضني حضنها الدافىء عن قسوة الناس ومرارة الافتقاد الى كتف رجل ألقي عليه همومي.. وردّت من بين دموعها: اوعي اسمعك تقولي كده تاني.. ده انتي ست البنات.. وبعدين لسه نصيبك ماجاش.. ده مكتوب اسمه عند ربنا من قبل ما تتولدي.. بكرة اشوفك احلى عروسة في الدنيا.. وبعدين ياستي ما تقلقيش اوي ما فاتكيش كتير.. انتي مش شايفة ابوكي واللي عاملة فينا؟ اهي الرجالة كلها واحد!! نصيحة من امك غمضي عينيكي واتجوزي.. كلهم زي بعض وقولي يارب
ابتسمت وهي تمسح دموعي وانا لا اريد ان افارق حضنها وكأني جنين سأموت لو تركته
*******
جاء بابا وهو يحمل الجاتوة والحاجة الساقعة فتعجبت ماما وسألته: إيه ده.. انت اللي جايبها؟ امال خالد فين؟
رد عليها قائلاً: قابلته خارج من الحلواني.. أخدت منه الحاجات وبعته يشتري هوّ الفاكهة علشان رجلي تعباني اوي
فصرخت ماما: انا مش قلتلك اشتري انت؟ البيه ده حيجيب لنا مربى فاكهة مش فاكهة.. وحنتفضح قدام الناس
تمتم بابا بكلمات ساخطة ودخل غرفته وترك ماما تغلي وتقول: ايه الغلب ده؟ لا يمكن انتفع بحد منهم أبدا.. آه ياقلبي يااانا
وقبل ان تفيق من الصدمة جاءت ملك تحمل الكاسات المدهب وعدّتهم ماما فوجدتهم خمسة فقط فسألتها: هي طنط ليلى ادتك الطقم ناقص ولا ايه؟
فردت ملك بثقة: لا ياماما هي الاطقم الجديدة 5 بس
فعرفت ماما انها كسرت كأس منهم.. وهمّت أن تجري وراء ملك التي فرت كالزئبق الى الشارع وهي تصرخ: هو كل عريس بعلقة يا ربي؟
أخذت أهدىء من ماما قبل ان تأتيها بوادر شلل مبكر من السيرك المسمى بأسرتنا المصونة.. ونظرتُ الى الساعة فوجدت لم يتبقى الا ساعة ونصف ويأتي العريس وأمه.. دق قلبي بعنف وأخذت أنظر الى عقارب الساعة وهي تتحرك وكأنها تحمل معها مصيري

يوميّات أسرة مصرية جداً
الحلقة السابعة: العريـس جـه

---

قالت سلمى
:
جلستُ في غرفتي بعد ان غيرت ملابسي وارتديت الطقم الجديد.. اللي ماما دافعع فيه الشىء الفلاني!!.. واحترت هل أضع ماكياج أم لا؟ في العادة انا لا أضع الا قليلا ولكن فعلا انا نفسي الجوازة دي تكمل بأي شكل.. يعني هي ح تكمل بالماكياج يا سلمى؟ ما تعقلي كده
قررت أن أضع ماكياج خفيف جدا فقط يخفي الهالات السوداء تحت عيني من قلة نومي بالأمس
ياسلام لو دي تكون آخر مرة أتعرض فيها للمسرحية دي ويكون فعلا هو ده العريس المنشود اللي المواصلات أخّرته شوية!! ربنا يجعله آخر العرسان
هو كل اللي سمعته عنه كويس.. محاسب اسمه مجدي وعمره 36 سنة وعنده شقة في بيت أهله
يعني مالكيش حجة ياست سلمى وسيبك بقى من حواديت البنات الفارغة: أصله قصير اوي..اصلع فلّة!.. فتحات مناخيره مش مريحاني!.. طوييييييييييل أوي والجزء التاني منه نازل في الاسواق قريب
المهم الشخصية والتديّن والاخلاق وحتى لو كان غتت شوية.. على رأي ماما غمّضي واتجوزي.. كلهم زي بعض في الآخر
اتأخروا نصف ساعة وأخذت أنتظرهم من وراء شباك اوضتي أحسن يكونوا غيّروا رأيهم وفلسعوا يا رجالة
وأخيييييرا لمحت الست والدته وهي تنزل من عربية ميكروباص أمام منزلنا.. ايه ده مش يركبوا تاكسي؟ ومعها انسان طويل وعريض ولابس بدلة كحلي
أكيد هو المغفور لشبابه العريس.. شكله من بعيد كده كويس طول بعرض بارتفاع على رأي عادل امام عريض المنكبين شلولخ!! آدي اول حاجة تفتح النفس.. ربنا يستر
وجاءت رويتر البيت ملك هانم وهي تزف البشري والدم يتقافز من وجنتيها وقالت وهي تلهث: العريس جه ياابلة سلمى.. ده كبير وطويل اوي.. على فكرة عاوز له سلّم علشان أسلّم عليه.. ماما بتقول لك هاتي صينية الحاجة الساقعة والجاتوة وتعالي بسرعة
*******
ذهبتُ الى المطبخ وانا اتمتم في تعجب: اشمعني العرسان اللي اول ما بيقعدوا بنلزق لهم الحاجة الساقعة في وشهم على طول؟ ما اي ضيف بيقعد شوية وبعدين يشرب حاجة
الظاهر ان دي طريقة تكتيكية من الامهات علشان العرسان ما تطفشّ بسرعة
حملتُ الصينية الميمونة ودقات قلبي مثل مزيكة حسب الله.. ودخلت الصالون لأجد ماما وبابا والعريس وأمه.. والحمد لله ماما لحقتني وأخدت مني الصينية قبل ما أوقعها على أم العريس وتبقي مصيبة من أولها
اهلا اهلا بعروستنا الحلوة.. ايه الجمال ده كله؟

قالتها أم العريس وكأنه أكلشيه محفوظ بتقوله كل الحموات في الحالات دي
أخيرا جلستُ.. وانا أكاد أذوب من الخجل وأنا أشعر أن كل العيون تتفحصني وتعاين كل مللي في جسدي.. وبالعافية اختلست نظرة الى العريس لأجده أضخم مما رأيته في الشباك حتى تقاطيع وجهه من الحجم العائلي! وعنده شنب ما شاء الله ماشفتش زيه في حياتي.. يعني لو اشتريت صقر مش ح احتار أحطّه فين؟
حاجة كده من الرجالة بتوع زمان الجامدين يعني لو شخط فيّا شخطة ح يبعتني السنبلاوين
وقعد بابا يستجوبه كالعادة ولاحظت انه بيرد بكلمة او كلمتين على الاكثر ويحمر وجهه وتلحقه الست والدته وتجاوب بداله.. ولما لاحظت تعجب بابا ردت بسرعة: أصل مجدي مش بيعرف يتكلم مع الناس كويس.. أصله بيتكسف
ومصمصت ماما على شفتيها من انسان الغابة اللي بيتكسف ده وسألتها: هو وحيد ولا ايه يا أم مجدي؟
فردت باشفاق: أيوة ياختي.. ده وحيد على أربع بنات ومن كتر خوفي عليه من الحسد ربيته زي ما ربيت أخواته البنات تمام.. ما يعرفش يروح ولا ييجي لوحده أبدا ولازم ياخد رأيي في كل حاجة حتى في أكله ولبسه.. انا اللي باختار له كل حاجة بنفسي.. لما انا نفسي ومُنى عيني اجوّزه علشان أرتاح من مسئوليته شوية
واصطبغ وجه عريس الغفلة بالحمرة.. وانقلب الوضع انا اللي باتفرج عليه وهو يمسح عرقه.. وبعدين قلت في بالي: اوعي تفركشي الجوازة ياسمسم.. اهو أحسن ما يكون شرس ويوريني العين الحمرا والبرتقالي كمان.. اهو اربّيه على ايدي
وكأن اجابة حماتي المصونة وقفت في زور بابا فسأل العريس: وحضرتك ما اتجوزتش ليه لحد دلوقتي يا أستاذ مجدي؟
فرد بخجل وتلعثم: أصل ماما ما وافقتش على العرايس اللي قبل كده!! ولاّ اقولّك اسألها حضرتك هي تقولك أحسن
التقطت امي الكلمة وتمتمت باستغراب: عرااايس؟
فأجابت أمه بكل ثقة: والله ما اكدبش عليكي انا خطبتله قبل كده 6 مرات.. مش عارفة البنات حصل لها ايه؟ مابقاش ينفع معاهم الراجل الطيب السكّرة.. زعلانين انه يعتمد عليّا في كل حاجة.. هو انا مش امه برضه ولا ايه؟.. طيب ده ابني دودو ده بالدنيا كلها.. لو أطول اني أخبيه جوا عينيا من الهوا الطاير كنت عملت والله
جلست أراقب انفعالات سوسن.. أقصد دودو.. يوووه عريس الغفلة!! وهو يراقب أمه بانبهار مثل الطفل الذي يراقب امه وهي تطبخ وكأنها تسوي الاعاجيب
آآآآآآه ياني ياخيبتك يا سلمى.. يعني اتجوّزه وأخلي أمه تختار لنا ح ناكل ايه النهاردة.. ماهي اكيد بتأكّله بايديها وكمان شقته فوقها في نفس العمارة يعني ح يرفع صباعه يستأذنها لو حب يقعد معايا في البلكونة بعد الشر ولا حاجة
تبادلت ماما نظرات خيبة الامل مع بابا الذي احمرت أذناه وارتفعت صفارات الانذار واستعد لهجوم أرض أرض على دودو ووالدته العزيزة
وانقذت ماما الموقف قبل أن يطلب لهم شرطة المسطحات ..وقالت على عجل لأم العريس وهي تنهي اللقاء الكارثة: والله شرفتونا اوي يا أم دودو!! بس ادينا فرصة نفكر ونرد عليكم وحاسبي على دودو وانتم ماشيين احسن يتكعبل ولا حاجة بعد الشر عليه

يوميّات أسرة مصرية جداً
الحلقة الثامنة: سلمـى الحقيقيّـة

---

قالت سلمى
:
تغير وجه بابا الى جميع الوان الطيف وهو يتحول الى قنبلة موقوتة تنتظر الانفجار في وجه ماما بعد ما نزل عريس الغفلة وأمه المصونة وانتهت الزيارة التي كانت كارثة بالالوان الطبيعية وسكوب كمان
حاولت ماما الهروب الى غرفتها قبل ان يبلغ بابا عنها المعتقل وقالت لي بمنتهى البراءة وهي تتحاشي النظر اليه: انا ح أنام بقي يا سلمى علشان عندي شغل بدري.. تصبحي على خير
فانفجرت كل قنابل المولوتوف المخزونة في لسان بابا وأكيد سمعه الجيران في الشارع السابع وهو يصرخ: تصبحي على خير؟ رايحة فين يا سعاد؟ دي عملة تعمليها فينا؟ ايه الأشكال اللي انتي جايباها دول؟ حرام عليكي انتي مش قلتي انك سألتي الجيران عنهم وشكروا فيهم اوي؟ هو انتي عاوزانا نرميها؟
فتلعثمت ماما ولم تستطع الرد وقالت بصوت متقطع: ما انت عارف الناس يا ابو خالد مش بيقولوا الحقيقة في الحالات اللي زي دي.. وبعدين ح يقولوا عليه ايه؟ هو الراجل حرامي ولا نصاب؟.. دول ناس طيببين وعيلة محترمة.. هو بس واضح انه بيحب امه اوي.. يعني كمان ح يحب مراته اوي
انطلق الشرار النووي من عيون بابا وهو يجز على أسنانه: مراته مين ان شاء الله؟؟؟؟
لم تحتمل ماما ضغط وصراخ اكثر من ذلك وانفجرت باكية: انت بتعاملني كأني عملت جريمة ليه؟ حرام عليك.. انا نفسي أفرح بيها وما جبتش لها واحد مدمن ولا متجوز قبل كده ولا قتّال قتلة!! كنت ح اعرف شخصيته منين هو انا عايشة معاهم؟ وبعدين هو انت شفتنا جبنا المأذون؟ لو مش عاجبكم بلاش اعتذروا للناس وخلاص.. بكرة اموت وترتاحوا مني خالص
تحركت رقة بابا لبكاء حبيبة عمره وهدىء صوته وداعبها: اللي يمشي ورا الحريم يروح في... يعني انتي ترضي ان جوز بنتك يبقي اسمه دودو؟
ضحكت ومسحت دموعها قائلة: اهو أحسن مايبقي اسمه شمشمون ويقعد يزعق ويفرج علينا الدنيا زي ما انت عامل فينا
ابتسم لها والتفت اليّ بابا وهو يسألني: اتي رأيك ايه يا بنتي؟

*******
لا أعرف لماذا جرحني سؤاله؟
اي بنت طبيعية لابد ان ترفض هذا العريس ابو ببرونة!! ولكن يبدو انهم رغم رفضهم له هو وماما.. تاركين لي مساحة للقبول على اعتبار اني على مشارف الثلاثين ولا فرصة لي أفضل من هذا
ويبدو ان ام العريس ذكية انها اختارتني من وسط كل البنات الموجودين في الحنة لأنها تعلم اني لن أرفض ابنها عملا بنظرية: ضل راجل ولا ضل حيطة
لكن هل هذا رجل؟ لا يستطيع الكلام جملتيين متكاملتين؟ لا يكون له رأي عن أي شىء؟ يرفع اصبعه قبل ان يفكر؟
أي احترام سأكنّه له؟ أي حماية سيوفرها لي؟ أي رجولة سأستشعرها معه؟
باختصار سأتزوج أمه.. تتحكم فيّ وفي ابنها لأتخلص من لقب عانس ونظرات الناس التي لا ترحم
اختيار قاسي جدا
جزء مني يميل الى القبول للخلاص من دائرة الوحدة والعنوسة وسأستطيع ان أتحكم فيه كما أشاء ولن أعاني من تحكم الرجال وأنانيتهم المفرطة والتي تشكو منها كل الزوجات
ولكن لا.. لن أخالف شروط الله التي أقرها لنجاح الزواج وهي المودة والرحمة بين الازواج.. كيف اكنّ له اي مودة وأنا لن أحترمه اصلا بل سيكون بالنسبة لي مثل الغطاء الذي أحتمي به من عيون الناس ونظراتهم وأخرس ألسنتهم التي لا تهدأ
ولكني وحدي سأعلم عندما ينصرف الناس ان هذا الغطاء لن يدفّيني في برد الحياة ولن أستطيع ان الجأ اليه كحصني الوحيد.. سأجده غطاء مهلهل ملىء بالثقوب سيعريني أمام الناس وأمام نفسي وأتجمد وحدي في حرمان لا ينتهي
اتخذت قراري ورفعت رأسي وأجبت في هدوء: انا مش موافقة يابابا.. تصبحوا على خير
*******
دخلتُ غرفتي كي اهرب من نظرات الاشفاق التي لاحقتني من بابا وماما وغيرت ملابسي وتوضئت وصليت ركعتين شعرت بعدهما براحة كبيرة أراحت ذهني المشوش وجسدي المرهق
واستلقيت على سريري وأنا أفكر في كل حياتي
لماذا دائما أشعر اني في حالة انتظار دائمة؟ لماذا أعلق حياتي كلها على الزواج فقط؟ وهل ان لم يكن مقدرا لي أن أتزوج على الاطلاق هل سأظل طيلة حياتي في نفس حالة الترقب والتوتر والانتظار؟
الانسان يكون في أسوأ حالاته وهو منتظر اي شىء ويتأخر عليه حتى لو كان ينتظر تاكسي او اتوبيس!! تشتعل الحرائق في الاعصاب ويبدأ التوتر والمشاحنات.. فكيف أعيش وكأني دائما وأبدا في انتظار مالا يجىء؟
وهل النجاح يكمن في الزواج وحده؟؟ ان كان هذا فلماذا تحدث الطلاق والخيانات والمشاكل والانفصال؟
لابد أن يكون لي هدف آخر غير انتظار الزوج المرتقب.. أن يأتي او لا يأتي.. فكله قدر عند الله ولابد أن أرضي به.. انا لم أكن راضية قبل هذا.. كنت أقارن نفسي بقريباتي وصديقاتي وتظل دائرة المقارنات تتسع وتتسع حتى أتوه فيها وانسى من أنا؟
من هي سلمى الحقيقية؟

هل هي انسانة ناجحة؟

هل هي انسانة مميزة؟
ام انها تنتظر فقط صك الاعتراف بها كانسان متكامل امام المجتمع بدبلة ذهبية تضعها في يدها اليسري.. ووقتها لا يهم ان كنت ناجحة ام لا.. يكفي ان تكون زوجة فلان حتى وان كانت في غاية التعاسة والاحباط مع فلان هذا
أغمضتُ عيني وانا أشعر بتصالح مع نفسي لم أشعر به من زمن طويل وكأني أخيرا وجدت سلمى التي أبحث عنها طوال عمري

يوميّات أسرة مصرية جداً
الحلقة التاسعة: درس في المسؤوليّـة

---

قالت سلمى
:

إدّيني عش أمان وادّيك راحة وصراحة وضحكة حلال
لا أدري لم تذكرت هذه الأغنية القديمة وانا أقف في البلكونة في انتظار خالد اخويا.. يبدو اني كنت أهرب من القلق بالتفكير في شىء آخر بعيد جدا عن سبب وقوفي وانتظاري له.. يبدو اني أهرب من رؤيته قادما من بعيد بالتفكير في اي حلم صعب المنال
سألتني أمي من داخل المنزل للمرة الألف: أخوكي جه يا سلمى؟.. وأجبتها بنفس الاجابة: لسه ياماما.. وانا أتمنى ان أزيل قلقها باجابة أخرى
أخذت ماما اجازة اليوم هي ووالدي من عملهم كي يشهدوا هذا اليوم العظيم في حياة كل ام وكل اب.. كي يجنوا ثمرة تعبهم طوال العام مع ابنهم العزيز ويروا نتيجته في الثانوية العامة
لم ينم أحد منذ أمس من شدة القلق والتوتر باستثناء خالد بيه نفسه!! وصل شخيره الى شبرا
منتهى الهدوء والروقان!! وكأنها نتيجة انسان آخر من المريخ !! حتى وهو نازل صباحا لاحضار النتيجة من المدرسة رفض اصطحاب ابي له لأنه على ميعاد مع الشلة في المدرسة

هو أمر من الاثنين.. اما انه واثق جدا من النجاح أو يائس جدا.. ولأنه اخويا من زمان.. أعتقد انها الثانية
*******
لم تكف ماما عن سؤال والدي: تفتكر حيجيب مجموع كام؟ بيقولوا المجاميع عالية اوي السنة دي.. ربنا يستر ويجيب مجموع كويس.. هو صحيح في سنة تانية بس دي درجاتها اكتر من ثالثة.. وبعدين دي التربية بقت بتاخد فوق التسعين!! الله يرحم لما كانت بتاخد ستين في المية.. يعني لازم يجيب مجموع حلو علشان يدخل حاجة عدلة
نظر لها بابا باشفاق وقال: والله انتي متفائلة اوي يا سعاد.. طيب قولي ينجح الاول
خبطت على صدرها بجزع وقالت: ينجح بس!! قول كلام غير ده يا ابو خالد.. ده مموّت نفسه يا ضنايا طول السنة في المذاكرة.. دلوقتي ييجي ويفرحنا ان شاء الله
فأجابها بتضرع: يارب يارب
أشفقت عليهما من استهتار خالد ولا مبالاته ودعوت الله في سري الاّ يخيب أمالهما وكدّهما الطويل طوال العام من أجل تدبير مصاريف دراسته ودروسه الخصوصية التي لا تنتهي
قطع تفكيري صوت طرقات ضعيفة على الباب فقفزت امي من مكانها لتفتح ولم يجرؤ أبي على الوقوف من شدة القلق ليرى من القادم والذي كان اخي خالد
دخل مطرق الرأس صامت تماما ونظرات ابي وأمي تستحلفه ان ينطق وقلوبهم معلقة بكلمة واحدة ينطقها فيطفىء نار قلقهم وترقبهم الطويل ولكنه ظل صامتا صمت القبور فسألته امي في تضرع وقلق عاصف: عملت ايه يا حبييبي؟ طمنّا الله يرضى عليك
فأجاب بعد تردد طويل وصوته لا يكاد يظهر: انا سقطت في الكيمياء
شلّت الكارثة لسان امي وعجزت عن الكلام وانهارت على الكرسي ودموعها انسابت كالشلال وحزنها يكاد يمزق قلبها
أما أبي فأقعدته المفاجأة وعجز عن الكلام.. وشعرت وقتها بمعنى عجز الرجال.. ومعنى ان ينهار جبل حصين من تدمير فأر صغير
*******
هبط علينا جميعا وجوما وحزنا لا يوصف.. زاده أصوات الزغاريد التي بدأت في الانطلاق من بيوت الجيران فرحا بتفوق اولادهم وتكليل جهودهم بالتعب طوال العام
زادت اصوات الزغاريد من حسرة امي واحساسها انها الام الوحيدة التي لم تذق طعم الفرحة.. فعلى نحيبها وارتجفت من شدة الاحساس بالقهر والحزن حتى خشيت عليها فضممتها الى صدري محاولة اسكاتها فلم أستطع فبكيت معها
وأخيرا تكلم الاستاذ خالد ببرود يحسد عليه: انا اتظلمت!! انا حاطلب يعيدوا تصحيح الكيمياء تاني.. ده انا كنت مجاوب كويس جدا جدا.. الظاهر انهم بينجّحوا بمزاجهم
لم يحتمل ابي المزيد من استهتاره وبروده وهجم عليه كالأسد الجريح كي يضربه.. فأسرعت له لأمنعه عنه كي لا يقتله فصرخ بصوت كالرعد وهو يرتجف: بمزاجهم يا فاشل يامستهتر؟
وواصل هديره: تقدر تقول لي درجاتك في بقية المواد ايه يا سعادة الباشا؟
فأجاب خالد بصوت خافت: يعني حوالي 70في المية
فواصل أبي صراخه: 70%!!!! ماشاء الله ودول تروح بيهم ايه ان شاء الله؟ معهد السكة الحديد؟ حرام عليك ياأخي.. ده انا وامك موّتنا نفسنا طول السنة علشان نوفر لك ثمن الدروس الخصوصية اللي كنت بتاخدها.. دي امك الغلبانة دي باعت سلسلتها الوحيدة علشان تدفع لك مقدم درس الكيمياء اللي سيادتك سقطت فيها.. ياشيخ حرام عليك ده انت كنت مفروض تذاكر علشان بس اللي عملناه علشانك لو انت اصلا بتحس وعندك دم.. حسبي الله ونعم الوكيل فيك! يكون في علمك انا مش ح ادفع ولا مليم تاني للدروس الخصوصية بتاعة الدور التاني.. وان شاالله عنك مااتعلمت
مسحت امي دموعها ونطقت أخيرا معترضة على كلام بابا: كلام ايه ده يا ابو خالد؟ ازاي ما ياخدش درس في الكيمياء؟ طيب ما هو كده عمره ما ح ينجح؟ لا ما ينفعش الكلام ده وان كان ياسيدي على المجموع الصغير اهو فيه كليات كتير ومعاهد بفلوس ممكن ربنا يقدرنا وندخله واحد منها وياخد شهادته وخلاص
ارتجت حوائط البيت من صوت صراخ ابي وهو يقول: عليّ الطلاق بالتلاتة لو نطقتي كلمة م الكلام ده تاني لأخرج اجيب المأذون وتكوني طالق النهاردة.. آدي آخرة دلعك وطبطبتك عليه.. عمره ما ح يعرف ازاي يكون راجل ابدا
ثم وجّه حديثه الى خالد الذي امتقع لونه من شدة خوفه من بابا و كأننا نراه لأول مرة: بص يا ابني انا ما قصرتش معاك في اي حاجة.. لكن بعد كده أقسم بالله ح اعلّمك ازاي تكون راجل في حياتك.. وازاي تقدّر تعب الناس اللي حواليك.. وبكرة لما تكبر ح تعرف اني عملت فيك معروف اني خليتك بني آدم.. انت من بكرة الصبح ح تنزل كتبك وملخصاتك في الكيمياء وتذاكر لوحدك من غير اي دروس.. وبعد العصر ح تنزل تشتغل زي اي راجل.. انت خلاص ما بقتش صغير انك تاخد مصروف زي البنات.. وانا ح اكلملك الحاج سعيد صاحب المكتبة اللي في الشارع اللي جنبنا علشان تشتغل معاه في تصوير المستندات والكتابة على الكومبيوتر.. انا كنت بافكر في الموضوع ده من زمان.. علشان تعرف قد ايه الواحد بيتعب علشان يجيبلكم الفلوس اللي انت مستهتر بيها.. ولو ما وافقتش على الكلام ده الباب يفوّت جمل.. اخواتك اولى باللقمة اللي انت بتاكلها.. اتفضل مع الف سلامة
نظرت ماما اليه برعب وظنته يهدد فقط ولكن ملامحه الحديدية عرّفتها انه سينفذ كل كلمة من كلامه.. وحاولت النطق ولكن رعبها من تهديده ألجمها فصمتت وسالت دموعها من جديد
ذهب بابا الى التليفون طالبا الحاج سعيد صاحب المكتبة ودخل معه في حوار طويل ومع كل كلمة يزداد شحوب وجه خالد حتى انهي المكالمة قائلا: خلاص ياحاج الف شكر.. بكرة ان شاء الله ح يكون عندك من بعد العصر

يوميّات أسرة مصرية جداً
الحلقة العاشرة: أول يـوم شغـل

---

قال خالـد
:
لم أنم بالطبع طوال الليل من الرعب من فكرة والدي العجيبة وتصميمه على اني اعمل عند الحاج سعيد في المكتبة!! مش عارف هو جاب الفكرة دي منين؟
معقول ح اهون عليه اني اتبهدل كده ؟! أكيد يومين كده ولاّ حاجة وح اصعب عليه ويرجع في كلامه
أخرجتُ كل مذكرات الكيمياء وكانت نظيييييفة زي الفل كأن لم يمسسها بشر!! اذا كان ما نجحتش فيها وانا باخد درس ح انجح فيها ازاي دلوقتي؟
فتحت كل المذكرات وجلست على المكتب منتظر الست كونداليزا تيجي تخلصني من ظلم أبويا
رجعت ماما من عملها وأعدت هي وسلمى الطعام وترجوني لآكل قبل ان انزل الى المكتبة ولكن نفسي كانت مسدودة عن الدنيا كلها.. رفضت الغداء وسمعت صوت المفعوصة ملك بتقولّي: قوم كل يا أبيه خالد أحسن ترسى على سندوتش فول عند عم سعيد
قمتلها علشان أكسر دماغها ولكني اصطدمت ببابا قادما من عمله وصرخ في اول ما رآني: انت لسه هنا يا باشا؟ الساعة اربعة الا ربع.. يالاّ احسن تتأخر على الحاج
جريت على غرفتي ولبست بسرعة.. بس ما نسيتش أحط جيل على شعري برضه علشان البرستيج
طمأنت نفسي وانا في الطريق الى المكتبة ان الحاج سعيد راجل طيب وكل ما يشوفني يسلم عليّ بحرارة لحد ما يخنقني! يعني ان شاء الله يومين كده وح اصعب عليه وينتهي الحوار ده
*******
وصلت أخيرا المكتبة لأجد الحاج يقرأ الجريدة وسلم عليّ ولكن ليس بحماسه المعتاد.. وقال: شوف يا خالد يا ابني انا زعلان اوي من موضوع نتيجتك ده لأني عارف أد ايه والدك والست والدتك بيتعبوا عشان يعلموكوا ويخلوكوا أحسن ناس.. لكن على العموم أكيد حكمة ربنا خير في الموضوع ده وان شاء الله ترتاح معانا هنا.. وأحمد اللي بيشتغل هنا ح يعلّمك كل حاجة وربنا يكرمك ان شاء الله
قابلت احمد ووجدته في أوائل الثلاثينات وسلم عليّ ببرود وسط انشغاله بالزبائن العديدة وأمرني بمراقبته في تصوير الورق وطباعته وتقطيعه وتغليفه لأتعلم منه.. أخذت أراقبه لمدة ساعة والزبائن لا تكف عن التدفق الى المكتبة, احسست انه لابد كان بيعمل في سيرك قبل كده
هو لا يكف عن التحرك لحظة واحدة.. يصوّر لهذا 20 مذكرة ثم يجلس على الكومبيوتر ليطبع بعض الملفات وما ان ينتهي حتى يبدأ في قصة التغليف بأدوات حادة للغاية ولكنه يتعامل معها بمنتهى المهارة ويعامل كل الزبائن بمنتهى الادب حتى لو كانوا في منتهى السخف.. وما ان يجد دقائق لالتقاط أنفاسه يجلس على الكومبيوتر ليكتب بعض الملفات على برنامج الوورد
وما ان انتهى جاء ليعلمني بعض الأمور في التصوير والطباعة ولكني شعرت ان الأمر في غاية الصعوبة والارهاق معا.. ايه ياربي الغلب ده؟؟
وجاء أول زبون أمرني أحمد أن اتعامل معه وكان شاب في سني.. وبرضه حاطط جل هو كمان
لو سمحت يا كابتن صور لي المذكرة دي 5 نسخ بس بسرعة اصلي مستعجل جدا
حاضر يا عم المستعجل.. في سري طبعا
وبدأتُ في التصوير فظهرت اول صورة مائلة ولها ظلال سوداء من كل الجوانب قطعتها على الفور وصورتها مرة أخرى فظهرت أسوأ من الاولى.. نظرت الى احمد لينقذني من الورطة دي ولكني وجدته معه بعض الزبائن ووجدت الحاج سعيد يراقبني من بعيد.. ازداد توتري والشاب ينتظر ورقه بنفاذ صبر
حاولتُ مرة اخرى والحمد لله كانت جيدة ولكني نسيت ان اضع امر الطباعة لخمسة مرات فكررت الحدوتة عدة مرات.. ومنها ورق سىء كأنه خارج من فم قطة جائعة
نفد صبر الشاب وكلمني بعصبية: ايه ياعم؟ انت ح تصور الورق في سنة؟ انا مستعجل ياسيدي! انت اول مرة تشتغل هنا ولا ايه؟
هممتُ بالرد عليه الرد اللائق علشان أعرفه اني أحسن منه واني مش باشتغل عنده ولكن أحمد أنقذني في اللحظة الأخيرة وأخذ الأوراق وهدأ الشاب وانا أكاد أنفجر من الغيظ والاهانة واتمنى لو غادرت هذا المكان للأبد
*******
بعد مغادرة الشاب جاء أحمد لي وحدثني برفق: شوف يا خالد.. انا عارف انت جيت هنا ازاي لكن مش عارف انت واخد الموضوع على انه اهانة ليه؟ علشان انت طالب في الثانوية؟ طيب انا خريج كلية تجارة! وواخد كورسات كومبيوتر كتير.. ودخت على ما لقيت الشغل ده وبحمد ربنا ليل ونهار على نعمته لأن مليون واحد يتمنى وقفتك دي.. وبعدين انت لو كنت رحت اوروبا ولا امريكا في الصيف مش كنت ح تتمرمط هناك وح تيجي تحكي عن تعبك وبهدلتك بمنتهى الفخر؟ اشمعنى هنا يبقي عيب وحرام؟ بكرة تشوف حلاوة القرش اللي بتكسبه من عرقك وتعبك وازاي مش ح يهون عليك تصرفه في كلام فاضي.. يالاّ يا شيخ تعالي اوريك انت غلطت في ايه في التصوير علشان ما تكررهاش تاني
احسست بالهزيمة امام منطقه ولكني لازلت اشعر اني في المكان الخط.. ولكني ركزت هذه المرة في كلام احمد واستطعت تنفيذه مع الزبون التالي طبعا ببطء شديد جدا ولكن الحمد لله بلا اخطاء قاتلة
بعد حوالي 3 ساعات كدت أسقط من شدة الارهاق والتعب والجوع.. ياريتني اكلت معاهم وما عملتش نفسي ابو علي!!.. ولازال امامي 3 ساعات أخرى.. وتعجبت ان أحمد لا يكلّ ولا يتعب يبدو انه من سلالة زينة وهرقليز
*******
بمرور الوقت اعتدت الامر قليلا وأخبرني أحمد انه ممكن ان يجعلني اكتب فقط الرسائل العلمية على الكومبيوتر لو كانت خبرتي في الكومبيوتر عالية.. وأحرجت ان أخبره ان خبرتي فيه في الالعاب والشات فقط !!.. ولكني أخبرته اني سأتدرب على الاقل كي أرحم نفسي من الوقوف الرهيب لساعات وساعات
وأخيرا قارب اليوم على الانتهاء وانا اكاد ارقص اني سأعود للبيت لأنام زي القتيل.. حتى دخل مجموعة من الشباب يطلبون تصوير بعض الاوراق وهم يتحدثون ويضحكون بأصوات صاخبة.. حتى توقف اثنين منهم كانوا زملائي في المدرسة وحملقوا فيّ بشدة وصرخوا: وااااو!!! خاااالد؟!!!! انت بتشتغل هنا؟ معقووول؟
*******
يـ تـ بـ ـع..
بقلم: أم سمـا وحـلا

احببتك

احببتك .... نعم احببتك من اول مرة رأيتك بها .... من اول لحظة سمعت بها صوتك

دخلت قلبي المغلق دون ان تدق بابه... دون ان تستأذن من عقلي

أحب ان اراك كل يوم .. كل ساعه ..... كل دقيقه ... وفي نفس الوقت اتمنى ان لاتراك عيناي

لكي لا يتألم قلبي لصدك ... وتجرح مشاعري بهجرك

متى سأحرر قلبي من حبك واستعيد مشاعري التي سرقتها مني دون ان تقصد؟؟

سأحاكمك في محكمة الهوى و القاضي سيحكم لك بالبرأة

لان السرقه كانت في وضح النهار و لا توجد ادله او برهان.. قاض ظالم

كيف لا توجد ادله: شوقي لك وحبي لك وتعلقي بك و عيناي التي لا ترى سواك لم تكن ادله

*******************

ذاكرتي لم تعد تحمل سواك..... وقلبي لا يعيشه الا هواك

اصبحت اكره ان انام حتى لا اراك في أحلامي كما اراك طول الوقت في خيالي

هذا الحلم الذي هو قصتي و قصتك قصة عنوانها " انسان بلا شعور" او " العاشقة المعذبه" الذي تكون فيه انت البطل وانا البطله التي جرفها سيل الحب وغرقت و البطل كان بجانبها لكنه لم يراها بمشاعره لكي ينقذها ويوصلها الى قلبه بر الامان ... بر الحب والحنان

ذنبي انني أحببتك .... وانا في عالم غير عالمك ... في قصة غير قصتك

اراك و ترانني ... لاكن تتجاهلني . تأمر عيانك ان تتهرب مني و مشاعرك ان تغلق كل الابواب في وجهي حتى لا أصل الى قلبك ... كأنك تحبني ولا تحبني

قلبت كل كياني .... مسحت كل ذكرياتي.. لكي تحتل انت وحدك ذاكرتي

اعيش لرؤيتك ... اتكلم لانطق باسمك .... يدق قلبي بحبك

انتظر كل يوم رؤيتك ... بالرغم من هجرك .. وقسوتك..

اراقب كل خطواتك... نظراتك ... كيف تمشي وانت تحمل دفترك الازرق بين يديك

انظر اليك من بعيد واتمنى ان تراني واخاف ان تراني حتى لا احس بالضعف امامك

لا اريد منك حبا ... بل يكفيني رؤيتك كل يوم ... هل طلبت المستحيل؟

احببت فيك كل شيء عنفوانك .. كبريائك.... كل شي في داخلك

نعم أحببتك ولن احب سواك واتمنى ان انساك... لكنني لن استطيع

يحكي مغسل الاموات..ج2

طلب مني أحد أئمة المساجد في ساعة متأخرة من الليل اتصل بي وقال لي يا شيخ أريدك أن تغسل أبي انتقل إلى رحمة الله تعالى في يوم الاثنينفقلت له : كيف أنت إمام مسجد ولا تستطيع أن تغسل أباك ؟! فقال لي يا شيخ أرجوك أن تحضر .. فذهبت يا إخوان إلى منطقة كانت وعرة جداً وكان يصعب الدخول إليها بالسيارة فدخلت باتجاه واحد في مكان ضيق ووسط أزقة صغيرة ثم أوقفنا السيارة ونزلت راجلاً ومشينا مسافة ثم عندما حضرنا إلى المنزل ذكرت لابنه أين والدكم ؟! هل هو في المنزل أو في المستشفى ؟! فقال لي لا يا شيخ إنه موجود في ملحق في الدور الثاني .. وكما ذكرت لكم أن هذا البيت شعبي فطلعنا إلى دور الثاني ثم إلى الملحق ودخلت على والد الإمام فوجدته مستلقياً على سرير من خشب في مكان غسل ضيق إنما كان هناك مكيف وكان إضاءة كافية لغسل هذا الرجل فبدأت بمساعدته بتجريد هذا الرجل من ملابسه وقمنا بتغطيته بالسترة وبدأنا في تنجيته ثم توضئته ثم غسله كاملاً .. في الغريب يا إخوان أنني لا أعرف عن هذا الميت سوى أنه والد هذا الإمام والأغرب من ذلك أنني كلما حركت جزء من جسد هذا الرجل لأغسله كانت رقبته غير طبيعية ، كيف ذلك ؟! كان طول الرقبة أكثر مما هو طبيعي ! .. استغربت في طول هذا الرقبة ! .. بعد الانتهاء من غسل هذا الرجل كان في العقد الرابع من العمر قمنا بتكفينه وقبل إنزال هذا الرجل من بيته إلى المسجد للصلاة عليه سمعت من ولده يقول لبعض الإخوة اذهبوا إلى المسجد فلان والمسجد فلان والمسجد فلان وقولوا لهم أن الصلاة على فلان سوف يكون في المسجد الرئيسي في الشارع العام فقلت لابنه ماذا يعمل أبوك ؟! فقال : لا تعلم يا شيخ ! .. قلت له لا أعلم لماذا أرسلت الإخوة للتنبيه للمصلين في هذه المساجد الصغيرة بأن صلاة على والدكم سوف يكون في هذا المسجد الكبير ؟! .. فقال لي : يا شيخ إن أبي مؤذن لأحد هذه المساجد الصغيرة منذ أكثر من ثلاثين سنة .. عندها علمت أن هذه الرقبة في الغسل كانت غير طبيعية لأن هذا الرجل كان ينادي للصلاة في المسجد .. أنزلنا هذا الرجل يا خوان من هذا المكان الضيق وهذه الأماكن القديمة ثم ذهبنا به إلى المسجد في أول الشارع ، عند إدخال هذا الرجل في المسجد لم يكن الحضور يتعدى الصف الواحد لكن يا إخوان كنت أقرأ القرآن وأوذن لصلاة الفجر وقمنا بالصلاة وبعد الانتهاء أحضروا هذا الرجل أو هذا المؤذن للصلاة عليه وبعد الانتهاء من الصلاة على هذا الرجل التفت عن يميني وعن شمالي ومن ورائي فلم أجد مكان للخروج من هذا المسجد لدرجة أن المصلين أقفلوا الشارع العام ! كثرة المصلين على هذا الرجل تعدى حدود المسجد إلى الشارع العام فتبعت الجنازة حتى إدخالها السيارة ثم انطلقنا به إلى المقبرة وقبل وصولي إلى المقبرة وجدت الكثير من الإخوة ! اعتقدت أنهم منتظرين هذا الرجل فقاموا بإتباعي حتى باب المقبرة وقمنا بإنزال هذا الرجل إلى المقبرة ودفنه ثم الدعاء له وعند ذلك وجدت أن جنازة أخرى قد حضرت وكان أكثر الحاضرين لهذه الجنازة التي قمت بغسلها ، توجهوا إلى هذا الرجل الميت الآخر لماذا ؟! لأنهم في الأصل حضروا إلى هذه المقبرة انتظاراً لهذا الرجل كان يصلي عليه في أحد المساجد القريبة من المقبرة لكن الذي قمت بغسله كان في حي بعيد ووصلت جنازته إلى المقبرة قبل وصول هذا الرجل المهم الذي كان جميع الناس في انتظاره ، لذلك كسب الميت الذي قمت في غسله أجر جميع الحاضرين في هذه المقبرة بالدعاء له ثم انتقلوا إلى الميت الآخر .. فكانت بشرى خير لهذا الرجل فسألت ابنه كيف مات ؟! فقال : يا شيخ عادة من أبي قبل أن ينزل لأذان الفجر من كل يوم يقوم باكراً ويقرأ القرآن في هذا الملحق وفي ذلك اليوم ذهب لقراءة القرآن0في هذا الملحق وعادة ينزل إلينا ويستأذن أنه ذاهب إلى المسجد للأذان فلم ينزل كالمعتاد فطلعنا إليه فوجدناه ممداً باتجاه القبلة وقد انتقل إلى رحمة الله تعالى .. فأسأل الله أن يتغدمه بواسع رحمته وإنا لله وإنا إليه راجعون ..وكان هذا الرجل يا إخوان وكما ذكرت في العقد الرابع من عمره وكان يؤذن منذ ثلاثين سنة أي كان يؤذن وهو عمره عشر سنوات وهو في حلقات التحفيظ في القرآن ، كان المؤذن هو أستاذه الذي يعلمه القرآن كان من جمال صوته أن يسمح له برفع الأذان .. ثلاثين سنة يا إخوان وهو يؤذن وهو عمره عشر سنوات وهو يؤذن ومات بهذه الطريقة ورقبته كما ذكرت أثناء الغسل والتكفين ليست طبيعية .. ( لقد كان في قصصهم عبرة لأولى الألباب ما كان حديثًا يُفترى ولكن تصديق الذي بين يديه وتفصيل كل شيء وهدىً ورحمة لقومٍ يؤمنون )

كيف تعرف إذا كان جهازك مخترقاً أم لا ؟

اختبار لحاسوبك

كيف تعرف إذا كان جهازك مخترقاً أم لا ؟

افتح قائمة

(Start)

ومنها اختر أمر

(Run)

: أكتب التالي

system.ini

ثم اضغط

enter

: سوف تظهر لك صفحة مفكرة وبها اسطر مثل التالية

EGA80WOA.FON= EGA80850. FON
EGA40WOA.FON= EGA40850. FON
CGA80WOA.FON= CGA80850. FON
CGA40WOA.FON= CGA40850. FON

إذا ظهر رقم 850

فهذا يعني بان جهازك سليم 100/100 ولم يتم اختراقه أبدا إن شاء الله.

أما أذا ظهر لك

WOA

EGA80WOA.FON= EGA80WOA. FON
EGA40WOA.FON= EGA40WOA. FON
CGA80WOA.FON= CGA80WOA. FON
CGA40WOA.FON= CGA40WOA. FON

يعني أن جهازك يحتوي على ملفات تجسس ويتم اختراقه بسهولة

*******************

الضفادع والزلزال

الضفادع والزلزال

فتوى سلفني شكرًا

بخصوص خدمة ( سلفني شكرًا ) التي تقدمها شركة فودافون لعملائها وعن شبهة الربا فيها قمت بتوجيه سؤال لعدد من العلماء والمواقع الإسلامية وكانت صيغته كالآتي : السلام عليكم ورحمة الله وبركاته هناك خدمة تقدمها شركة فودافون لخدمات التليفون المحمول أو الجوال في مصر تُمكِّن العميل من اقتراض ثلاثة جنيهات من الشركة إذا نفذ رصيده بحيث ترسل الخدمة له هذا المبلغ ولكن بناقص نصف جنيه مقابل الخدمة ... أي يصل العميل جنيهان ونصف وعندما يقوم بشحن رصيده يُخصم منه ثلاثة جنيهات وهذا هو رابط الإعلان عن الخدمة من موقع الشركة على الإنترنت : http://www.vodafone.com.eg/db/JSP/pe...ectedItem=2613 والسؤال ... هل هذه المعاملة تعتبر ربا ؟ أرجو منكم سرعة الرد من أجل التحذير من الخدمة إن كانت ربا , وجزاكم الله خيرًا ,,, فوصلتني ثلاث إجابات هي التالي ذكرها : الشيخ مصطفى العدوي حفظه الله : تعلن شركة فودافون خدمة وهي إقراضك رصيدًا قدره 2.5 جنيه مقابل خصم 3 جنيه من رصيدك عند الشحن , هل هذا من الربا ؟ ... ليس من الربا لأن هنا دخلت سلعة وسيطة في الباب وهي تجارة استمع للفتوى الشيخ وجدي غنيم حفظه الله : بالنسبة لموضوع القروض ... ناخد بالنا من الأمر ده لأن والعياذ بالله ممكن يكون فيه ربا لو إن مثلاً شركة من الشركات بتدي ( تعطي ) فلوس , لو إن مش عارف بتاعة التليفونات بتقول لك لو معكش رصيد هديلك , لو إن بنك بيقول لك لو عاوز فلوس هديلك , لو رحت لواحد قلت له لو سمحت سلفني مبلغ مثلاً 10 مثلاً الملبغ اللي يتاخد يترد زي ما هو ... أخذت 10 أرد 10 ... كل قرض جر نفعًا فهو ربا دي القاعدة الشرعية : كل قرض : يعني أي فلوس باخدها جر نفعًا : زادت عليها فهو ربا والعياذ بالله والذنب الوحيد اللي ربنا توعد صاحبه بالحرب هو الربا !! مقالهاش لا في القتل ولا في الزنا قال في سورة البقرة : ( فإن لم تفعلوا فأذنوا بحرب من الله ورسوله ) "البقرة 279" استمع للفتوى كاملة موقع islam*** : إذا كان المقصود بالسؤال أن الشركة تقرض العميل فعلاً مبلغاً ما وتستوفي القرض بأكثر منه فهذا ربا لا يجوز إلا أن يكون هناك جهداً وعملاً مبذولاً من الشركة في سبيل توفير هذه الخدمة يصح أن يكون مبلغ الزيادة -نصف الجنيه- في مقابلها وليس في مقابل القرض. أما إذا كان المقصود أن الشركة توفر خدمة الاتصال مع الدفع المؤجل بسعر أعلى من الدفع نقداً، فالظاهر أنه لا بأس بهذه المعاملة وليس فيها ربا إذ إن حقيقتها أن الشركة تبيع منفعة الاتصال التي قيمتها حالا جنيهان ونصف بثلاث جنيهات مؤجلة تستوفيها من العميل عند قيامه بشحن جواله، وهذا لا إشكال فيه رابط الفتوى

بعد الفراق , إفتقاد

عندما اتى الشتاء وتساقطت الامطار ورجف قلبي بشده لفراقك وتمنيت ان تاتي
ليعود الدفء إليه فأين كنت؟
*******************************

إفتقاد

أفتقد إلى بعض اللحظات في حياتي
لحظة حب صادقه
لحظة دفء حانيه
لحظة سعاده دائمه
ولكن ما أفتقده بشده هي لحظة تعقّل
لحظه أفصل فيها بين قلبي وعقلي
لحظه أجعل فيها عقلي هو الآمر الناهي في حياتي
لحظه أستطيع بها ان أتعايش مع الواقع
الواقع الذي تموت به أي مشاعر
الواقع الذي تحكمه قسوه العقول
الواقع الذي يهتم بالمظاهر فقط ولا ينظر لقلوب البشر
احتاج هذه اللحظه ما دمت أحيا علي هذه الدنيا
فأين هذه اللحظه؟؟؟؟؟

hashem_alz3bi
*******************************

بعد الفراق

بعد الفراق
سينقسم طريقنا إلى طريقين
طريق السعاده وطريق الشقاء
فلا داعي لأن تخبرني أي الطريقين طريقك
فأنا اعلم جيداً أن طريقي هو طريقي الشقاء
بعد الفراق
سأرحل بمشاعري
وسترحل بمشاعرك
ويظل كلانا يحمل جزءاً بداخله من مشاعر الآخر
فهل ستحافظ على مشاعري التي بداخلك كما أحافظ أنا عليها الآن
أم ستتركها تموت بداخلك
بعد الفراق
ستلتقي بآخرى
وسألتقي بآخر
وعندما يسألني عنك سأذكرك بخير
وسأخبره أن الأيام سبب فراقنا
فهل ستذكرني بخير عندما تسألك هى عني
بعد الفراق
لا تقل ظلمتها
ولن أقول ظلمني
فلا داعي لتزييف الحقائق وتجمييل المشاعر
فكلانا يعلم يا سيدي ان أحدنا كان الجاني وأن الآخر هو ضحيته
بعد الفراق
لن يتبقى لي سوى الأطلال
وزهور زابله
وأحلام ضائعه
ومشاعر تائهه
فما الذي تبقى لديك؟
بعد الفراق
عندما يخبروني برحيلك عن عالمي
ويسألوني عنك
ستدمى عيني لفراقك
وسيبكي قلبي لذكراك
وسأقول كان حبيبي
فهل ستقول ذلك عندما أرحل عن عالمك
أم ستقول لا أذكرها لا تذكروني بها
بعد الفراق
ستنتهي الحكايه
وينسدل الستار
ويسود الظلام المكان
وسأصرخ بأعلى صوتي أين انت؟؟؟؟؟؟؟؟
وأنا أعلم جيداً ان صوتي لن يصل ابداً إليك
hashem_alz3bi

العلامه البحبحانى

والله لا اعرف ما الذى يريده هذا الرجل

فوجئت به على إحدى الفضائيات فى نهار رمضان ,وكانت أول مره أراه .. وآخر مره ان شاء الله

رجل عجوز يرتدى جلبابا أزرق يذكرنى بشحاتين السيدة

ولا يكاد يكمل كلمتان على بعضهما ,تستضيفه مذيعه ملونه الاطراف يصاحبها مذيع لا يفقه أى شىء فى احكام الدين .. عندما رأى هذا الرجل مضيفه بهذا الشكل

سأل : أنتم تعرفون كويس فى الدين ؟

أجابا : مش قوى .. العادى يعنى

البحبحانى : حلو .. أفتى براحتى بقى

قعد الرجل وتبحبح وربع رجليه وكأنه يجلس فى مصطبة المتولى ثم قال :

أنا بعد بحث شديد فى أصول الدين ومراجعة الفقة والشريعة

أكتشقت اكتشاف خهطير ..

خير يا مولانا ؟؟
تصوروا .. إن السجاير مش بتفطر فى رمضان -

مش معقول -

المذيع : والله العظيم بتتكلم جد ؟

البحبحانى : أيوه يا ولد . أمال انا جاى هنا أهزر .. السجاير لا تفطر لأنها ليست أكل أو شرب ولا تدخل المعده

أخذ المذيع يتحسس علبه سجائره بشغف

يعنى ادخن وأكمل صيام ؟؟ -

عادى جدا .. ولاا كأنك عملت حاجه -

المذيعة : طيب والشيشه يا سيدنا الشيخ ؟؟

حلال حلال حلال .. الشيشه لا تفطر ولا تفسد الصيام -

دا ؟؟ شىء بديع قوى .. يعنى انا وصاحباتى ممكن نضرب حجرين قبل ما نيجى التليفزيون الصبح ؟؟

أكيد .. -

والاحسن لو تبعتى تجيبى لنا شيش هنا نشيش قدام الشاده المشاهدين عشان يطمنوا خالص ..

ثوانى يا مولانا ..-

أعزائى المشاهدين .. رمضان كريم .. فاصل ثم نعود لنواصل مع

( العلامة ( جمال البحبحانى

نرى اعلانات مليئه بمزز الفضائيات ,وأعتقد انه كان يجب ان يسبقها تنويه بأنها إعلانات للكبار فقط أو من التصنيف 3 حسب

رأى (الاوربت) وتحتوى على مشاهد قد لا تتناسب مع المحافظين والصائمين كذلك ..

انتهى الفاصل لنجد الديكور قد اختلف تماما حيث جلس كل منهم متربعا على كنبه وبيده ( لى ) شيشه معتبره وأخذ يشيش فى استمتاع

البحبحانى : شفتوا بقى يا ولاد .. سهله خالص .. ولا تفطر ولا حاجه

المذيع : معاك حق يا مولانا .. أنا ضربت حجرين ونص لحد الوقتى وبرضه حاسس بمعاناه الصيام .. واكتر

البحبحانى : يبقى ثوابك أكتر ان شاء الله لانك بتعانى اكتر

المذيعه : انا اللى بعانى اكتر لان الشيشه مكتومه والولعه نايمه

البحبحانى : ورينى كده

أخذ يشد من الشيشة حتى ملأ الاستوديو بالدخان الكثيف

البحبحانى : خدى يا قطه .. الولعه تمام بس شدى جامد

المذيع : يا سلام لو فنجان قهوه بقى مع الشيشة

البحبحانى :وماله يا بنى حد قال ان القهوه بتفطر

المذيع : أمال مش بتفطر ؟

البحبحانى : لأ طبعاًَ .. اللى بيفطر هو كل حاجه تدخل الجوف .. إنما القهوه بتطلع على الدماااااغ عدل .. أنا بشربها مظبوط

المذيعة : حالا يا مولانا طب والشاى برضه على الدماغ ولا إيه ؟

البحبحانى : الشاى الساده فقط يا بنتى .. إنما لو شاى باللبن يفطر وتخسرى صيامك والعياذ بالله

تحسس المذيع جيبه بتردد ثم سأل : بقولك إيه يا مولانا ..

بما إن السجاير والشيشه مش بيفطروا .. كنت عايز اسأل عن الحشيش يعنى ..إيه نظامة معانا ؟

البحبحانى : أنتم قلتوا لى مالكوش قوى فى الدين .. صح ؟

المذيع والمذيعه فى نفس واحد : خااااااااااااالص

البحبحانى : حيث كده بقى أحب أقول إن الحشيش دا نبات .. والنبات من مخلوقات الله .. اتكل على الله يا بنى .. معاك تركى ولا أفغانى

المذيع يخرج ورقه سيلوقان ملفوف بها شىء ما

المذيع : تركى يا مولانا

البحبانى : لأ .. التركى مش حلو .. مش كميل .. يشحط فى الزور

وبعدين الاتراك دول ناس علمانيين أكيد الحشيش بتاعهم بيفطر

يخرج المذيع قطعه أخرى

المذيع معايا حته تانتيه ما بتفطرش أهى .. أفغانى

البحبحانى : أيوه كده فى السليم .. مش عاييزين نخسر صيام يوم

وهكذا مضى البحبحانى يحلل ما يطيب له من دخان ومشروبات وشيش وحشيش وطفح تلاته قهوه وقزازه كولا ,. كل هذا وهو يقنع المذيعين المغيبين أصلا ,. أنهم ما زالوا على صيامهم

وبدأ مفعول الحشيش

البحبحانى : أنتم عارفين يا ولاد غن الصيام مستحب فى رمضان .. خصوصا الاثنين والخميس

المذيعة : والله بحاول أواظب على اليويمن دول على قد ما اقدر

المذيع : انا بقى مش بفوت يوم منهم .. صيام الاتنين والخميس فى رمضان شىء مقدس بالنسبه لي

ثم طلع لنا الباشمهندس بفتوى اخرى وهى ان الحجاب ليس فرضا ( الحجاب وليس النقاب ) حتى أنه سيفتى بأن صلاه الظهر سنه مؤكده

هذا الرجل المدسوس على الدين والمتمسح بعباءه رجل العلم والمفكر الاسلامى , يوفر الكثير على أعداء الاسلام الذين لا يتعبون أنفسهم بمحاوله مهاجمه الاسلام ..فالبحبحانى كفيل بالقيام بدور عشره أعداء فى آن واحد

سلسلة الإستشارات النفسية .. ج 6

تجيب عليها الدكتورة جيهان النمرسى

دكتوراة فى مشاكل الشباب وقضايا الزواج

مستشار نفسى واسرى بالقنوات الفضائيه

نسعى من خلال هذه السلسلة ان نضىء شمعة وسط هذا الظلام وان نجد بارقة امل وسط صعوبة هذا الطريق ونرجو من الله ان نكون اليد التى تمد لك العون عندما تبحث عن دليل والله الموفق للجميع

لاستفسار
مرحبا دكتور جيهان
انا فتاة ابلغ من العمر 24 عاما خريجة ادارة اعمال اعمال براتب متوسط
تعرفت ع شباب اصغر مني ب سنتين اعجبت به واعتقد اني احبه اعطيته كل ما املك من مشاعر وعاطفة .
سافرات لمدة 15 يوم وعندما رجعت حسيت اني اكرهه اكثر من اي شيء بالدنيا ما بعرف السبب واصبحت ابحث عن المشاكل معه وقررت ان انهي علاقة به وانتهت منذ اكثر من شهر
المشكلة اني غير مرتاحة نفسيا لما كنت افعل معه وكل ما اذكر اصبح متوترة مع ان العلاقة انتهت لكن ضميري متعبني مش عارفة شو اعمل وكيف انهي قصة ضمير
في مرات احتاج لان ابكي ولكني اذكر انه لا يستهل ان ابكي وان ما حصل قد حصل وانتهى لن تعود اليوم الى السابق كي لا نخطئ مرة اخرى او ان نقع في المشكلة ولكني رغم كل قوتي لا استطيع ان اتخلص من تأنيب ضميري
اعتقد انه يجب انا اتحدث اذا في مشكلة ولكني اخاف على كبريائى وكرامتي
شو اعمل
ارجو ان تردي جواب بالسرعة الممكنة\
شكر الك

الرد

أبنتى رغم أنك فتاه وناضجة الا ان مشاعرك لم تنضج بعد وانك متسرعة بأختيارك ومتسرعة بعطاءك وعطاياكى
فلتعلم كل فتاة أن قلبها وجسدها أمانة لديها لاتستطيع التفريط فى جزء منه او فى جزء من مشاعره الا لمن ترتبط به شرعا وقانونا
ورغم تطورنا وتغير بعض المفاهيم الأخلاقيه عند بعض الشباب الا ان تربيتنا وأخلاقنا تحكمنا وتخلق بداخلنا عذابات عند التفريط فيما نملك
أبنتى الحبيبة لقد كرهتى هذا الشاب لانك بداخلك أحسست بعد تفكيرك بعقلك انه السبب فى اعطاؤه أكبر من حقه
وانه السبب فى تقصيرك بحق نفسك وهذا يبرر كرهك له باكثر من أى شىءبالدنيا
وأشكر ضميرك الحى الذى رد اليك وعيك وجعلكى تبكى وتندمى على غلطتك بحق نفسك
واحمدى الله على تلك الصحوة فى هذا الوقت قبل فوات الأوان
استغفرى ربك وصلى وتقربى الى الله وعاهدى نفسك ان لاتنازل بعد اليوم وانك غاليه على نفسك ولن ينالك أحد الابشرع الله
وستجدى بنفسك الرضا والراحة ببدء صفحة جديدة ننسى فيها مايؤلمنا ونتذكر منها مايحصنا ضد الضعف والهوان
ولتذدادى كبرياء وكرامة بوعيك وضميرك الحى

2

الاستفسار

___^^^^^^^^^ ^^^^^___

السلام عليكم يا امنا الفاضله
اود ان اهنئ المجموعه واهنئك على ضيف الشرف
واشكر حضرتك على الدعم الانسانى الذى ستقدميه

رسالتى

انا شاب فى العشرين
أود ان ابوح لكى بشئ غريب ولا أعلم ما هى أوصافه
لكن ألتمس من حضرتك تفسير علمى ومنطقى يريحنى

مشكلتى هى تلك الكمه الغريبه التى كنت قد سمعتها فى صباى من الزملاء
وهى كلمه فى حد زاتها بزيئه فكريا و معنويا لانها لا تنتمى لقاموس الشتائم
انها كلمه ( بيض او فقع ) اسف لأنى لا أجد سبيلا سوى قولها لحضرتكم على ان
أجد لها تفسيرا . لماذا هذه الكلمه بالذات والتى اصبحت جزءا من حواراتى
ووصفا لكل ما هو كريه او متبلد الروح ولا ييمتع بشء من البهجه الحياتيه
علاوه على الظرف وخفه الدم التى كانت هى اساسا أولى اسباب تفشى الكلمه
بين الاطفال والتلاميذ ولماذا هذا الوصف فى حد زاته وماالداعى لاستخدامها
المفرط والذى يفرض نفسه على المخيله الفكريه لما سبق .

الغربيه انه ليس حكرا على فئه معينه من الشباب او الاحداث انما فوجت بانه
الوصف والتعبير المتداول لجيل كامل حتى تكلم عنه شباب الصحفيين بانه
العله للبنيئدمين انا فهمتها كده حضرتك
عموما ان لو تكلمت عنه لن استريح لمجرد زكره هذا اللفظ أصبح يؤلمنى لكن
لا أجد سبيلا لتذكره بسهوله أو التخلص منه الى الابد
انا اخشى ان تكون الكلمه هذه مصيرى الى التهلكه وانا فى نهايه دراستى
الجامعيه لم اتمكن من نسيانها ابدا بل تتفاقم المشكله لانى لا أجد سواها
امام لسانى فاصبحت عادى .......للاسف
وانا من عائله متدينه ومحترمه جدا ومحاظه واسمحى لى ان اقول عل نفسى فعلا
انى نشات فى طاعه الله لكن ملعون ابو الدنيا الى ما تخيلتش انها هاتبئى
كده لما كبرت وتسبب لى الحرج فى اشياء لم اعهد بها ولم اتخيلها رغم ان
الرأى وان كان صائب فى امور أخرى وفرض الراى الذى اصبح مخالفا لما هو
متعارف عليه جعلنى اشعر انى شردت عن جيلى وتخلفت عن قاعده الهو الذى
اصبح صفه لفئتى العمريه و حسبنا الله ونعم الوكيل .

ودلوقتى دى ببساطه مشكلتى رغم انى اعانى من كتمان هذه الكلمات واخراجها
فى سرى لكنى بشر ولا احتمل المزيد والا ساتعود عليها فى سرى وانا ألتمس
عندكم حلا لها ويسعدنى الاسترشاد له و انشاء الله ينجح حتى يعمم على اصدقائى
ممن مثلى وانا اعتبر اصلهم من معدن نفيس.


أسف على الاطاله وعلى اللك لكن للضروره أحكام .

شكرا لسعه الصدر وفى انتظار رساله رد اول رسائلى


الرد

أبنى أحمد طبعا القراء سيذهلوا لعرض مشكلتك التى تتلخص فى كلمة يرددها معظم الشباب ومعظم الناس من مختلف المستويات
والمشكلة ياأحمد مش فى الكلمة المشكلة فى الصراع اللى ممكن يكون بداخل الفرد بين الأشياء المتربى عليها وبين الأشياء التى يكتسبها من الأخرين وهو رافضها وغير مستسيغها او مش قابلها على نفسه وتربيته
ممكن تكون كلمة وممكن يكون موقف
وهى بتبتدى بكلمة مثل بعض الكلمات الغريبة ثم بعض الكلمات القبيحة ثم المواقف المرفوضة أخلاقيا وهكذا لتجد نفسك تنساق وراء الروشنة والحياة الكول عشان تبقى مقبول من الشلة
ويعطوك الجنسية لتكون الواد الكول لايا احمد المشكلة خطيرة مشكلة اندثار وضياع لغة وعادات وتقاليد وضياع تربية اتربينا عليها ونشأنا فيها
أرفضيا أبنى وحاول انت واللى زيك تقفوا ضد تيار الروشنة اللى بيضيع شخصيتنا ولغتنا بين الشعوب وبين الأمم المسألة مش سياسة المسألة حضارة وهوية بلد ووطن
أشكرك ياابنى لخوفك على تربيتك وعلى شخصيتك وأنصحك انت والشباب اللى زيك تكونوا جروب او جماعة على النت أو بالجامعة تعارضوا وتحاربوا فيها كل كلمة او سلوك تجدوه غريب عنا وعن بيئتنا ووطنا
وتكون انت اول المتقدمين لمحاربة تلك الكلمات وتلك الشباب البيض الفقع

الاستفسار

اخدت الجازة ومش عارفة اعمل ايه بجد وخايفة الملل يخليني اعمل اي حاجة اعمل ايه يادكتورة يا ريت الرد

الرد

أكيد ياأبنتى الأجازة تخلق الملل بدون عمل أو هواية وطبيعى سأقول لكى انفعى نفسك بما يفيدك توجد مجموعات قصصية بالسوق جميلة وراقية
ويمكنك الأشتراك بندوات المساجد او الكنائس فهناك دورات دينية واجتماعية تفيدك وتفيد المجتمع
ويمكنك ان تبحثى عن عمل وتستفيدى بشغل وقتك وربح عائد مادى
ويمكنك اللتحاق بمراكز اللغات او الكمبيوتر لتستفيدى من الوقت بالعلم والثقافة

ا

والله موفق الجميع مع تحياتى وأمنياتى بحياة هادئة آمنة

اعترافى بحبك

احبك

يكفى اعترافى بهذا

احبك

لا تسألينى لماذا

ولو كان حبى علامه ضعفٍ

فإنى بحبى أزيد اعتزازا

************

احبك

يكفى اعترافى بذلِك

أنا لست أخفى شعورى حيالِك

ولو كان بينى وبينك بحرٌُُ

لخٌضتُ البحور ولو كنت هالِك

************

احبك

يكفى اعترافى بأنى

اسيرٌُُ لحبك وقد نلتى منى

تمنييت قبلك قصراًُ وشهداًُ

ويوم عرفتك نسيت التمنى

سبحان الله فهد بحتضن صغير قرد بعد قتل أمه"

سبحان الله رحمته وسعت كل شيئ هذا فهد اصطار قرد

وكانت حامل فسقط الجنين منها

انظر ماذا سيقوم الفهد يعمله

سبحان الله رب العرش العظيم هذه رحمته وسعت كل شيئ

افندينا لـ احمد فؤاد نجم

افندينا أنعم علينا بعلاوة
تجيب كيلو جبنة وعلبة حلاوة
آتاري العلاوة مجرد أتاوة
و احنا علينا الكلام اختلط
*****
عشان في البداية حسبناها خير
و قلنا نواية حتسند يا زير
و حسنة حتمنع بلاوي كتير
و كنا حقيقي في غاية العبط
*****
في لحظة افتكرنا ان لينا حقوق
و نمنا و صحينا لقينا الخازوق
و قبل اما ! حتى يا عالم نفوق
لقينا اللي لسه حناخده اتشفط
*****
أفندينا يعني في لحظة تجلي
تعطف تلطف و قرر يخللي
مساحة الغلابة تزيد ستة مللي
و ياكلو بدال التراب الزلط
*****
أفندينا أعلن صدور القرار
و قبل اما ينجح في أي اختبار
فوجئنا بزفة و مولد و زار
قصايد.. جرايد.. برامج.. يفط
*****
تؤكد بأن الحكومة.... بذكاء
و من حزمة واحدة قضت ع الغلاء
و لابد يبقى لدينا... انتماء
و ناكل و نشرب و نلبس خطط
*****
عبال النمو اللي قالوا عليه
و حايشينه عنا مانعرفش ليه
ماتلمح مكانه في مراية عينيه
و نقدر ندوق منه... حتى نقط
*****
مادام كل حاجة تمام ع الورق
مفيش أي داعي عشان ال! قلق
و لو مش مصدق خلاص اتفلق
ورقـنا اللي صح وكلامك غلط
*****
قاللي مواطن عليم بالخبايا
أفندينا قرر تزيد الجباية
عشان شعبه جاحد قليل الرباية
بياكل و ينكر زي القطط!
*****
اذا الشعب صدى بفعل البارومة
حاتعمل حسابه ف ايه الحكومة
وهي اللي جاهزة بكرباج وشومة
عشان لوفي واحد في عقله اتخبط
*****
تعيش مصر دايما في عز و جمال
يعيش المواطن شـديد الاحتمال
و آمن تماما من الاشــــتعال
و أقصى ما عنده.... ينكت فقط

احمد فؤاد نجم